Colin Powell corona-mik tunillatsinnermigut toquvoq

Colin Powell, George W. Bush-ip nalaani nunanut allanut ministeriusoq, corona-mik tunillatsinnermi kingorna toquvoq. 84-inik ukioqalerpoq.
Colin Powell amerikami nunanut allanut ministeriunikuuvoq sakkutooqarnermullu pisortaanikuulluni. Taanna maanna coronamik tunillatsinnermi kingorna toquvoq. (Arkivfoto).Ass.: Saul Loeb/Ritzau Scanpix Assi © : Saul Loeb/Ritzau Scanpix
Allattoq Ritzau
oktobarip 18-at 2021 11:41

Amerikamiut nunanut allanut ministererinikuusaat Colin Powell corona-mik tunillatsinnermi kingorna sunniuteqaataanik toqquteqarpoq.

Powell-ip Facebook-imi quppernerani tamanut ammasumi ilaqutai taamatut nalunaarput.

USA-mi ministeriusimasoq sakkutuunullu qullersaasimasoq 84-inik ukioqalerpoq.

Saqqummersitami allassimavoq, Powell naammassilluni akiuussutissamik kapitittareersimasoq.

- Walter Reed National Medical Center-imi atorfillit suliarinnilluarnerannut qutsavigaagut. Uiusoq, ataataq, aataa asannittoq amerikamiullu akornanni malunnaateqarluartoq annaavarput, ilaqutai allapput.

Colin Powell 2001-imiit 2005-ip tungaanut nunanut allanut ministeriuvoq. Amerikamiut oqaluttuarisaaneranni qernertormiuni siullersaalluni nunanut allanut ministeriulluni.

Taanna aamma ilaatigut 1989-imiit 1993-imut amerikamiut sakkutuuinut qullersaalluni. Taanna atorfik USA-mi sakkutooqarnermi atorfiit qullerpaartaraat.

1960-ikkunni Powell marloriarluni Vietnam-imut aallartitaasarpoq.

USA-p, Danmark-ip Kalaallit Nunaatalu akornanni isumaqatigiissut 2004-mi Igalikumi silami atsiorneqarnera nalliuttorsiutigalugu, nunanut allanut ministeriusimasut USA-miit, Colin Powell, Danmark-imiit, Per Stig Møller kiisalu Josef Motzfeldt atsioqatigiipput.

 

Asseq: Colin Powel talerperliuvoq Josef Motzfeldt qiterliusoq.