Coca Cola nunatsinneersoq, mamarnernut ilaavoq

aggustip 29-at 2005 08:25

Coca-Cola nunatsinni maqineqartartoq nunarsuatsinni pitsaanerpaat ilaattut nalilerneqartoq, misissuisimanerit takutippaat.

Coca Colat nunarsuarmi assigiinngitsuneersut, ingerlaavartumik Bruxelles-mi misissorneqartarput, nunatsinneersoq aamma misissorneqarpoq. Ukioq mannalu Coca Cola nunatinneersoq nunarsuarmi pitsaanerpaat ilaattut nalilerneqarpoq.

- Cola Nuuk Imeq-meeersoq qaammatini kingullerni pingasuni pitsaanerpaanut ilaasarsimavoq, aammalu ajornartorsiutitaqanngitsumik, pitsaassusissaq anguniarlugu piumasaqaataasut Kalaallit Nunaata nammassisarsimavai, Coca Cola Danmarkimi paasissutissiisartut pisortaat Kent Kærhøg oqarpoq.

Nunarsuarmi Coca Cola-liofiit 500-t missaanniipput.