Coachitut pikkorissarsimasut 22-nik ilapput

Tasiilami kommuneqarfimmi sulisut 22-t coacherinermik ippassaq soraarummeerrapput. Sulisut akornanni aaqqiagiinngissutit aaqqiiviginiarneqarnissaannut maanna uppernarsaateqalerput.
Allattoq Mads Lynge
marsip 21-at 2009 17:18

Coaching tassaavoq anguniagaqarluni apersueriaaseq. Coaching-imik soraarummeertut ilaat tassaavoq Anna Kuitse Kuko, coachingilu sumut atorneqarsinnaanersoq ima nassuiaateqarfigaa:

- Inuit marluk ajornartorsiuteqarnermi inuup nammineerluni apersorneqartup taassuma apersuinikkut aarriitsunnguamik ajornartorsiutinik nammineerluni aaqqinneqarsinnaaneranut aqqutissanik ujarliunneqassaaq, Anna Kuitse Kuko oqarpoq.

Aaqqiagiinngissutit sorliit aaqqinneqarsinnaappat?

- Suliffinni assigiinngitsuni aaqqiagiinngissutsit oqaloqatigiissutigineqarsinnaapput, atuarfinniluunniit sulisuusugut meeqqat inuusuttullu oqaloqatigineranni coaching atorsinnaavarput. Tassa, sumiluunniit aaqqiagiinngittoqarpat ajornartorsiortoqarpalluunniit atorsinnaavarput, Anna Kuitse Kuko, Tasiilamiit oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq