CO2 ujaranngortinnialerpaat
Danskit Islandimiut franskillu ilisimatuui suleqatigiillutik silaannarmik mingutsitsinermut iluaqutaasinnaasumik nassaarnialerput, tassa
gassi CO2-mik taaneqartartoq silaannatsinnik mingutsitsinerpaatut aamma ilisimasarput, silaannarmiitsikkunnaarlugu ujaranngortinnialerpaat.
Atortoq gassimik CO2-mik ujaranngortitsisinnaasoq ineriartortinniarneqarpoq.
CO2-mik ujaranngortitsiniarneq ima ingerlanneqartassaaq, imeq gassilu CO2 akuliunneqartassapput, taavalu akuliussat sioqqanut innermik anitsisartumeersunut kissariikkanut kuineqartassapput uunnanneqarlutillu, CO2 imeq sioqqallu uunnanneqaraangamik marranngortarput, taamaalillunilu gassi CO2 silannarmiitsikkunnaarlugu marranngortinneqarsinnaasoq kingornalu issortinneqarsinnaalersoq, ilisimatuut oqaluttuarput.
Silaannarmik mingutsitsinermut CO2-mik ujaranngortitsisalerneq iluaqutaasinnaagaluarpoq mingutsitsinnginnissamillu suliniutit, soorlu nukissitinik atuisarnermik allangortitsiniarluni suliniutit salliutinneqartariaqaraluartut Greenpeacikkormiut isumaqarput.
