CO2 nunatsinni milliartortissavarput

Naalagaaffiit Peqatigiit silaannarmik mingutsaaliuinissaq pillugu isumaqatigiissutaat ukiuni arfineq marlunni isumaqatigiinniutigineqareerluni kiisami atuutilerpoq.

Isumaqatigiissut malillugu nunarput pisussaaffeqarpoq 2012-ip tungaanut kuldioxid 8 procentimik annikillisassallugu.

- Nunatsinniit nukissiorfiit uuliatortut ikuallaasarfinnillu putsumik aniatittakkagut annikillisikkiartornissaat pisussaaffigaarput, Alfred Jakobsen oqarpoq.

Alfred Jakobsen-ip ilanngullugu oqaatigaa, ilaqutariit illoqatigiikkaartumik kiassarnikkut atugaat appartinneqarnissaat pingaaruteqartupilussuusoq.

- Ukiuni kingullerni Naalakkersuinikkut pilersaarutaapput inissiat illullu kiassarnikkut atortulersorneqarnerat pitsaanerusumik atortulersorneqarnissaat, taamaalilluni atuineq aqunneqartumik nakkutigineqarnerusumillu piviusumik uuttortaanikkut ingerlalernissaat siunertaralugu, Alfred Jakobsen oqarpoq.

Ilanngullugu oqaatigaa, Nuup eqqaani erngup nukinganik nukissiorfik aqqutigalugu CO2-mik aniatittakkagut annertungaatsiartumik ilanngarneqarsimasoq. Nunatsinnilu erngup nukinganik nukissiorfiit amerlasinneqarnerisigut, suli CO2 aniatittagarput annikillisinneqarumaartoq.

2012-p tungaanut nunarput Danmarkilu pisussaaffeqarput suliniutinik iliuutsinillu nalunaaruteqartassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat