CO2-mik mingutsitsinaveersaarnissaq ataatsimiissutigilerpaat

Avatangiisit pillugit naalakkersuisup Kim Kielsen-ip danskit avatangiisinut ministeriat Connie Hedegaard maannakkut Københavnimi ataatsimeeqatigaa. Kalaallit Nunaata silaannartaani mingutsitsinerup annikillisinneqarnissaanik periusissaq ilaatigut oqaloqatigiissutigissavaat, periusissaq taanna tusarniaassutigineqaqqammerpoq.
Allattoq Lotte Holm
marsip 12-at 2009 10:39

Kalaallit Nunaanni silaannarmik CO2–imik mingutsitsineq sapinngisamik ukioq 2012 tikitsinnagu annikillisinneqarnissaa siunertaavoq. Taamaakkaluartoq Kyoto-mi isumaqatigiissut maleqqissaarneqarnaviakkaluarpalluunniit avatangiisinut naalakkersuisut maannakkut ataatsimiinnerminni tamanna oqaluuserissavaat.