CO2-mik aniatitsineq qarasaasiakkut naatsorsortalerniarpaat

Danmarkimi suliffeqarfinni 20.000-ni sulisut 150.000-init amerlanerit silap pissusaata allanngoriartorneranut maanna suliniarnialersut, aviisimi Politikenimi allaaserineqarpoq.
Allattoq Lotte Holm
februaarip 16-at 2009 08:15

Sulisorpassuit taakku CO2-mik aniatitsinertik angerlarsimaffimminni suliffimminnilu annikillisarusuppaat.

Qarasaasiaq atorlugu CO2-mik naatsorsuisinnaanngussapput, tassanilu takuneqarsinnaavoq aningaasat qanoq amerlatigisut sipaarneqarsinnaanersut, C02-lu kiilunngorlugu qanoq annertutigisoq aniatinneqarnersoq takuneqarsinnaassalluni.

sanaartorneq pillugu isumalioqatigiissitaq taavalu Silap pissusaa Nukissiuutillu pillugit ministeriaqarfik suliniummik aallartitsiniartuupput.

- Nukinnik atuinerput millisissallugu pingaaruteqaqaaq. Suliffipput aamma eqqarsaatigisariaqarparput, ulluinnarnimi suliuaannangajattuuvugut, apeqqutaanngilaq suliffeqarfeerannguami suliffeqarferujussuarmiluunniit sulisuunerluta, Nukissiuuteqarnermut ministeri Connie Hedegaard oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq