CO2-mik aniatitsineq annertunerpaaffissaminiilerpoq
- Nunarsuarmi aningaasarsiorneq pitsaanerpaajunngikkaluartoq gassinik aniatitsineq aatsaat taama annertutigaaq, sulilu annertunerusussaagaluartik nunat tamat akornanni killiliiniartoqarsimanngitsuuppat, Michel Jarraud, FN-ip sila pillugu ilisimatusarfiani atorfilik, oqarpoq.
Gassit pineqartut tassaapput CO2, NO2 aamma gassini annertunerpaaq metan.
Michel Jarraudip ernumanartutut isigaa metani issittoqarfimmi avannarlermi aniasussaq ukiuni aggersuni annertuserujussuarnissaa.
Gassit aniasut katersuunnerat aatsaat taama annertuttigilerpoq nunat tamat Kyotomi isumaqatigiissuteqaraluartut aniatitsinermik killiliinissamik.
Uuma akunnerup naanerani FN Mexico-mi Cancunimi silap pissusaa pillugu COP16-mik taasamik ataatsimeersuartitsinera aallartissaaq, taamaattorli ataatsimeersuarnerup inernissaanut isumalluartoqarani, taama Ritzau allappoq.
