CO2-mik aniatitsineq 15 procentimik annikillivoq
- 2007-imi kisitsisit aallaavigalugit CO2-mik aniatitsineq ukiumut 20.000 tonsinik annikinnerulerpoq, Nukissiorfiit tusagassiisarfianni pisortaq Louise Johansson oqarpoq.
Pisortat suliffeqarfiutaasa kissarsuutinik uuliatortunik atuiunnaarnerat CO2-mik aniatitsinerup annikillineranut patsisaavoq, soorlu Sisimiuni Nukissiorfiit innaallagissamik kiassarneqalerput, taamatuttaaq Kommunep allaffia, INI-p allaffia, Timersortarfik, Sanaartornermik Ilinniarfik, ilinniartut inaat kiisalu Utoqqaat Angerlarsimaffiat innaallagissamik erngup nukinganeersumik kiassarneqalermata.
Inuiaqatigiit ulluinnarni atorfissaqartitaasa 60 procentii massakkut erngup nukinganeersumik pilersorneqalerput.