Clintonip pisortanngornissani eqqarsaatigaa

USA-p nunanut allanut ministeria Hillary Clinton nunat tamat aningaaserivissuanni Verdensbankimi pisortanngornissaminik eqqarsaateqarpoq.
Allattoq Jaaku Lyberth
juunip 10-at 2011 07:36

Pisortanngornissamut periarfissat pillugitHillary Clinton præsidentip illorsuani ataatsimeeqateqarsimasoq nutaarsiassaqartitsivimmi Reuters Bureaumi allaaserineqarpoq.

Nunat tamat aningaaserivissuanni Verdensbankimi maannakkut pisortaasoq, Robert Zoellick pisortaanerminit aappaagu tunuassaaq, atorfialu atorfilerniarlugu  Hillary Clinton pilersaaruteqarsimasoq oqaatigineqarpoq.

Hillary Clinton ukiuni sisamani nunanut allanut ministeriuniarluni siornatigut oqarnikuuvoq. USA-mi præsidentimut qinersineq aappaagu novemberip qaammataani pissaaq.

Hillary Clinton nunat tamat aningaaserivissuanni Verdensbankimi pisortatut atorfik soqutigisarigaa, nunanut allanut ministereqarfimmi tusarfiit ilaat issuarneqarpoq.

Nunat tamat aningaaserivissuanni Clinton pisortassatut Obamap innersuuppagu, nunat tamat aningaaserivissuanni nunat ilaasortat 187-usut akuereqqaassavaat.

Clintonip nunat tamat aningaaserivissuanni pisortanngorniarneranik tusakkat,  USA-mi præsidentip illorsuanit oqaaseqarfiginiarneqanngilaq. Hillary Clintonip oqaaseqartittagaanit tusagaq ilumuunnginnerarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq