Clinton: Tuluit Nunaat EU-mut ilaasortaaginnartariaqarpoq

EU-mut ilaasortaaginnaritsi.

USA-p præsidentiata Barack Obamap Tuluit Nunaanni tikeraarnermini taamanna oqariartuutigaa.

Obamap præsidentitut kingoraarterisinnaasaa, Hillary Clinton EU-mut aamma ilaasortaaginnaqqusivoq.

- Atlantikoq illugiillugu suleqatigiinneq pingaaruteqarluinnartuusoq, Europalu ataatsimooruni suleqatigiinneq nukittunerussasoq Hillary Clinton isumaqarpoq. Tuluit Nunaat sunniuteqarluarsinnaasoq EU-mi sunniuteqarluarsinnaasumi ilaasortaasoq Hillary Clintonip iluaraa, Hillary Clintonimut siunnersorti Jake Sullivan oqarpoq.

Clinton Demokraatit sinnerlugit novembarimi præsidentinngorniunnermut sassartinneqartussatut piukkunneqarpoq.

Nunanut allanut ministeriusimasup Præsidentiusimasullu nuliaata nunat allat pillugit politikki qineqqusaarnerminut qitiutippaa.

Tuluit Nunaata EU-mut ilaasortaanera tuluit junimi taasissutigissavaat.

 /ritzau/Reuters