Clinton Obamamut ajugaavoq

Amerikami præsidentinngorniunnermi Hillary Clinton Demokraatiusoq New Hampshire-mi qinersisoqarnerani tupaallaatigineqaqisumik Barrack Obama qaangerlugu qinerneqarpoq. Aammattaaq sakkutuujusimasoq John McCain tupaallaatigineqaqisumik Republikanerini isertitaqarluarpoq.

-New Hamshire-mi inuppassuarnit qinigaalluarnertuulli qaa USA-mi tamarmi aamma qinerneqarluarlanga, taama Hillary Clinton tupaallaatigineqartumik unammillertini Obama qaangerlugu Amerikap ilaani New Hampshire-mi qinigaalluartoq oqarpoq. Obamap Clinton pilluaqquaa tunniutiinnanngilluaasarporli.

- Suli piumassuseqaqaanga, suli piareersimavunga, qinersisimigut kinguariaateqartoq Obama taama oqarpoq.

Republikaneriusoq siusinnerusukkut sorsuttartuusimasoq John McCain unammillertiminut aningaasarsiornermik suliaqarsimasumut Romney-mut kiisalu upperluartumut Mike Hokaby-mut aamma tupaallaatigineqartumik siuariarpoq. Siuariaqatinilu Hillary pillugu ima oqarpoq:

- Unnuk manna kingumut qinerneqarluarnerup suunera takutipparput, John McCain oqarpoq.

Taakku marluk New Hampshiremi qinerneqarluarnerisa takutippaat Hillary Clinton John McCainilu præsidentinngorniunnermi pissanngatigineqartussanngorunartut. Suli qularnartoqartoq Grundtvigshøjskolemeersup Mads Fugledip oqaatigaa.

- Qinersineq una massakkut pisoq siulittuiffigissallugu nalunartorujussuuvoq.

Amerikami præsidentinngorniuttarnernut allanut naleqqiullugu naliliiviginiarnera ajornakusoorneruvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat