Cimber Sterlingip timmisartuussisalernissaa neriunaateqaqqilerpoq

Suleqatigiinnissamik isumaqatigiissuteqarnissaq siunertaralugu Cimber Sterlingip Air Greenland attaveqarfiginiarpaa, timmisartuutileqatigiillu taakku marluk akornanni isumaqatigiippallaannginneq peersimagunartoq, Nordjyskimi allaaserineqarpoq.

Air Greenlandimik isumaqatigiissuteqarsinnaannginneq pissutigalugu, Atlantiku qulaallugu aqqummik nutaamik ammaanissamik eqqarsaatersuutit, Cimber Sterlingip taamaatiinnaraluarpai.

Cimber Sterling Danmarkip iluani aamma timmisartuussisassappat suleqatigiilernissaq qangali kissaatigineqarsimagaluartoq, Air Greenlandip nassuiaatigaa.

Cimber Sterling Danmarkip iluani timmisartuussisassanngippat ilaasut angalanerat ajornakusoornerulissaaq, tassami angalaqqinniarlutik timmisartumut allamut ikiartussagunik nassatatik kingumut tunniuteqqittussanngussagamikkik.

Suleqatigiinnissamik isumaqatigiissuteqartoqarpat Air Greenlandip Danmarkimi kiffartuutaasa Cimber Sterling Danmarkimi angalaqqinnissaminni atorsinnaalissavaat - aamma paarlattuanik taamaaliortoqarsinnaassalluni.