Cimber Sterling peqquserluttuliorsimasutut unnerluutigineqarpoq
Taama pisoqarpoq, Cimber Sterlingimi sulisut arlallit, unnerluutiginnittunit oqaatigineqartutut, Norwegianip Københavnip Karupillu akornanni aqqummik nutaamik ammaanerminut atatillugu bilitsit neqeroorutai akikitsut, ikinnerpaamik 650-it pisiarisimammatigik, Børsenimi tamanna allaaserineqarpoq.
Norwegianimit aamma immikkut ilisimasalinnit arlalinnit periaaseq atorneqartoq quarsaarutigineqarpoq, tassami atit soorlu Anders And, Austin Powers, Alotta Fagina aamma Norwegianip pisortaanera Bjørn Kjo, arlaleriarlutik Norwegianip Karupip Københavnillu akornanni aqqumik ammaanerminut atatillugu ippassamut neqeroorutaanik bilitsimik 1 koruuniinnanilimmik arlaleriarlutik bilitsisisimammata.
Bilitsisisulli takkutinngisaannarput, taamaattumik Norwegianimit bilitsinik inniminniisut paasiniaramikkik paasivaat, inniminniisut tassaasut unammillertiminni Cimber Sterlingimi sulisut nuimanerit aamma siulersuisuni ilaasortat arlallit.
Cimberimi siuttut pisoq ilisimaqarfiginnginnerarpaat.
Timmisartortitseqatigiiffiit Norwegian aamma Cimber Sterling Danmarkip Nunattalu akornanni timmisartuussinermut soqutiginninnertik ersersereerpaat.
