Cigaritsit akitsoqqipput

februaarip 11-at 2005 05:22

Cigarettit assigiinngitsut arlallit akitsoqqipput.

Cigarettit Prince, Kings, Cecil Look-illu, House of Princemit sananeqartartut, 75 øre-mik akitsorput, sunali akitsuinermut pissutaanersoq nalunarallarpoq.

Pilersuisumi nioqquteqarnermut pisortaq Bernhard Christiensen oqarpoq akitsuineq cigarettiliorfimmit House of Princemit pisuusoq, sunali akitsuinermut pissutaanersoq taassuma aamma oqaatigisinnaanngilaa.

Cigarettit allagartalersorneqarnerannut akitsuut Namminersornerullutik Oqartussanit qanittukkut qaffanneqarpoq, kisianni taanna poortamut ataatsimut 2 øriinnarmik naleqartoq, Bernhard Christensen ilisimatitsivoq.

Princit, Kingsit, Cecilit Look-illu Pilersuisumi maanna 55 kr. 75 øreqalerput. Lucky Striket Marlboro-llu akitsunngillat.