Cigarettikut 10.000-ingajaat katersorneqartut
Atuaqatigiit pujortanngitsut” pillugit Paarisap unammisitsineranut atatilluguatuartut cigarettikunik maaniinnarmiittunik katersisimapput.
Sermersooq-gl naapertorlugu akunnerit aappaat avillugu naammassimmat cigarettikut 9.791-it atuarfimmiit tatsip Annersuup tungaannaaniittut, aammalu atuarfik kaajallallugu, katersorneqarsimapput.
Taamatut katersinerminni neriuutigaat maangaannaq cigarettikunik eqqaasarnerup ajornartorsiutaanera aamma cigarettikut taamak amerlatigisut pinngortitamut pinnersumut igiinnarneqartarnerat erseqqinnerulersinnissaat, neriuppullu namminneq taamatut iliuuseqarnermikkut inuit eqqarsartillissallugit tullissaanik cigarettikumik maangaannaq igitsilersinnagit, taamatullu iliuuseqarnertik inuit pujortarunnaarnissaannut aamma iluaqutaajumaartoq, sermersooq-gl-imi taamatut allaqqavoq.
