CIA pillugu oqaaseqarnianngikkallarpoq
Ataatsimiinnerat naammasseqqarpoq, kisianni Kuupik Kleist ataatsimiinneq pillugu oqaaseqarnianngikkallarpoq.
Ataatsimiinnermi danskit naalakkersuisuisa suna tamaat qulaajarlugu saqqummiussissasut Kuupik Kleistip piumasariniarlugu oqarnikuuvoq.
Paasissutissat Wikileaks-ip saqqummiunnikuusai uppernarsiseqqaassavagut, paasissutissanut tunngaviusut paaseqqaarniarpugut, Kuupik Kleist KNR-imut ataasinngormat oqarpoq.
Kuupik Kleistip nunanut allanut ministeri Lene Espersen piffissaq mannarpiaq ataatsimeeqatigaa, tamatumalu kingorna aqqanernut qiteqquppaat Folketingimi nunanut allanut ataatsimiititaliaq ataatsimeeqatigissavaa, tassani ilaasortaavoq Savalimmiormiut Folketingimi ilaasortaatitaat Høgni Hoydal, taassuma Kalaallit Nunaat sinnerlugu ataatsimiitialiami ilaasortaavoq.
Kuupik Kleistip danskit naalakkersuisuinik ataatsimeeqateqarnera taamatullu Folketingimi nunanut allanut ataatsimiititaliap ataatsimiinneranit radioaviisimit malinnaaffigineqassapput.