CIA-p timmisartuussineri ilisimatitsissutiginiarpai

Ministeriunerup Anders Fogh Rasmussen-ip amerikami præsidenti Bush-imut tikeraaqqammerpaa, neriorsorneqarlunilu CIA-p timmisartuussineri pillugit paasitinneqassalluni.
Allattoq Jokum Nielsen
marsip 02-at 2008 14:32

Tusagassiortunik katersortitsinermi ministeriunerup ilisimatitsissutigaa Præsidentilu oqaloqatigiinnerminni danskit naalakkersuisui timmisartuussisarnerit pillugit misissuinialersaartut paasitissimallugu, taamaattumillu pisariaqartillugu amerikamiunit paasissutissanik pissarsisinnaanissaq. Qanoq amerikamiut præsidentiat qisuariarsimanersoq aperineqarami Fogh Rasmussen akivoq:-Tupaallaatiginngilaa, pissusissamisoortutullu isigiinnarlugu.

Ministeriuneq naapertorlugu CIA-ip Kalaallit Nunaat aqqusaarlugu timmisartuussisarsimaneragaanera pillugu paasissutissat præsidentip atorfimmi naaannginnerani pissarsiarineqassasut oqaatigaa, tamannalu pissaaq novemberimi ukioq manna.

Politiken.dk-mit apersorneqarnermi ministeriuneq oqarpoq USA-p præsidentia ersarissumik neriorsuisoq, taamaattumillu paasissutissanik tunniussiuaarmnissaat apeqqusertariaqanngitsoq.

Taamak Politiken.dk paasissutissiivoq.