CIA-p timmisartui aamma Islandikkoortarsimapput

Qularutissaanngitsumik Islandip silaannartaa aamma Reykjavikip imaluunniit Keflavikip mittarfii inatsisinik unioqqutitsilluni CIA-p tigusanik angallassinerani aamma atorneqartarsimapput, Danmarks Radio taama ilisimatitsivoq.
Allattoq Elisa Isaksen
februaarip 03-at 2008 13:15

CIA-p tigusanik angallassinermini isornartorsiorneqaqisumi, nunatsinni mittarfimmik atuisarsimanera Danmarks Radiop pingasunngormat saqqummiuppaa.

Islandimi nunanut allanut ministereqarfimmit oqaatigineqarpoq, CIA-p timmisartui siorna 200-t sinnerlugit Islandimut aqqusaarsimasut.

Siorna piffissap ilaani nunnittartut ima takussaatigilerput, allaat Islandimiut tusagassiortuisa CIA-miut Reykjavikip mittarfiani apersorusussimagaluarlugit. Kisianni CIA-meersut apeqqutinut akiumasarsimanngillat.

CIA-p timmisartuinut eqqummaarinnerulernerup kinguneranik Islandimi akitsuusiinermik suliaqartut, nunani allamiut timmisartui Islandimut mittut tamaasa maanna misissuiffigisalerpaat. Nunani allamiut timmisartui tamarmik akitsuuserisunit ikkivigalugit misissuiffigineqartarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq