CIA-p iserortumik angallassisarnera ilisimasaqarfiginngilaat

Christiansborgimi ullumikkut tusarniaasoqarnerani ministeri ima oqarpoq.

Danmarkimi politiit immikkut paasiniaasartuisa allagaatit toqqorsivimmiittut missoreerlugit kiisalu piffissap ingerlanerani ittuusarsimasut sulisullu allat attuumassuteqarsinnaasut apersoreerlugit ilisimatitsipput, Amerikamiut paasiniaasartuinit paasissutissanik CIA-p nunani allani tigusanik aallarussisarneranik imaluunniit killisiuisarnernut tunngassuteqartunik pissarsisoqarsimanngitsoq. Aamma politiit immikkut paasiniaasartuisa tigusanik angallassineraanerit inuiaqatigiinni oqallisigineqalersoq aamma ilisimasaqarfiginngilaat. Tigusanik Danmarkimiit aallarussisoqarsimaneraanera tusagassiuutitigut oqaatigineqartoq politiit immikkut paasiniaasartuisa ilisarisinnaanngilaat, Lene Espersen ullumi taama oqarpoq.

Lene Espersen Frank Aaenimut akissuteqarluni ilaatigut taama oqarpoq.