Christina Schnohr: nalunaarusiaq ajoquteqaranilu uppernarpoq
MIPI-p pissakilliortut meeraat pillugit nalunaarusiamini misissueriaasia naalakkersuisunut ilaasortap, Tommy Marø-p apeqquseraluaraa, Misissuisimasulli ilaata Christina Schnohr-ip qisuariartoqarnera iluarigaluarlugu, nalunaarusiap ajoquteqaranilu uppernarneranik isummani aalajangiusimavaa.
Isumaqarpunga misissueriaatsit atorsimasat atorlugit missuisimaneq suliarilluangaasoq. Uagummi namminneq misissueriaatsitsinni qanoq inunnik immikkoortiterinissatsinnik toqqaassalluta pisinnaatitaanngilagut, nalunaarusianili allani misissueriaatsit atorneqartartut atorpagut. Pissakilliortunillu nalileeriaaseq atugarput nunani tamani, EU-mi OECD-milu aamma misissuinerni atorneqartarput. Nalileeriaatsit allat atukkagut nalunaarusiarineqartartuni allani atorneqartartut atorpagut. Pisariaqartitsivillutillu ikiortarialinnut tunngatillugu naliliinigut Namminersornerullutik Oqartussat inunnik isumaginninnermut maleruagassiaanniittoqareermat toqqammavigisatsinnut ilanngutiinnarsimavarput.
