Christianiami najugallit illutik nappaqqippaat

Christianiami najugallit naalakkisaartinneqarusunngitsut illu politiit nakkutilliisuliullugit igutserlugu ippassaq aallartitaat najugaqartut nappaqqillugu aallartippaat.
oktobarip 30-at 2008 08:44

Illu pineqartoq tassaavoq Vadetstedet, inerteqqutaasutut isigalugu ippassaanili inuerutitinneqartoq.

- Nappaqqissavarput najugaqarfigisinnaanngorteqqillugu, inuit suleqataasut arfineq-marluk ilaat aviisimut Politikenimut oqarpoq.

Tunniutiinnarnianngillallu. Illu ilaqutariit marluk aappaat meerartallit najugaraat.

- Ukiut 37-it najoreersimagatsigu najuginnarusupparput, illuutillit erseqqissaapput.