Christianiami eqqissiviillioqqipput

Christiania kingumut unnuaq eqqissiviilliorfiuvoq, tamatumuuna 50-it tigusaallutik. Eqqissiviilliortitsisut biilit eqqaavissuillu containerit ikuallappaat, politiillu gassimik qulliliornartumik arlaleriarlutik unnuaq atuisariaqarsimasut, aviisi politiken.dk allappoq.

Aporaannerni politiit pingasut ajoquserput, tassami eqqissiviilliortut aqqusinernup ujarattaanik puiaasanillu qaartartulianik milloormata.

Eqqissiviillionerit ippassaq unnukkut inuit untritillit arlallit Christianshavns Torv-imi katersuutereersullu aallarteqqipput. Eqqissiviilliornerit unnuup ilarujussua ullaassaq pingasut tungaanut ingerlanneqarsimapput.

Christianianiarmiut ullaarli torersaarsuataalerput, inuillu eqqissisimaleriarmata atuarfiit meeqqeriviillu pisarnertut ammatinneqarnissaat aalajangiunneqarsimavoq, naak suna tamarmi igalaaminermik aseruatitikkanillu ulikkaaraluartoq.

Aqqusineq Prinsessegade biilinik suli ingerlaarfiusinnaanngikkallarmat, angajoqqaat pisuinnaq meeqqaminnik meeqqerivinnukaassuipput.

Christianshavnip atuarfiani tiimit atuarfiit siulliit taamaatiinnarneqarput, misilitsinnerillu ualimut kinguartinneqarlutik.

Illu eqqissiviilliornernut pissutaasoq Cigarkassen, naalagaaffiup ippassaq piiartitaa, christianiarmiut 30-it nalunaaquttap akunneri tallimat atorlugit ippassaq unnukkut sanaqqissimagaat, aviisi nangippoq.

- Christianiormiorpalaarluta pivugut. Illup oqartussanit piiarneqarnera pissaanermik asuli atornerluinerummat allamik sanavugut, arnaq sanaqataasoq oqarpoq.

Oqartussat Cigarkassenip nappaqqinneranut atatillugu iliuuseqarnianngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat