Christian Sølbeck Nunatta Atuagaateqarfiani saqqummersitsivoq
Inuit takkuttut utoqqaassusaat assigiinngitsuupput,piniartut assiniittut aammattaaq takkuttunut ilaapput. Atuagaateqarfik aalisakkanik panertunik, ruuanik kaaginillu sassaalliuteqarpoq.
Nuummi kalaaliaqqami piniartut assinginik ulluinnarsiorpalaartunik kusanartunik atuagaateqarfiup iigai qaqortut tiguarneqarsimapput.
Saqqummersitaili suliamit allarluinnarmit aallaveqarsimasut, assiliisup oqaluttuaraa.
Kalaaliaqqami ataatsimoorneq nuannarilersimavaa
Saqqummersitaili suliamit allarluinnarmit aallaveqarsimasut, assiliisup oqaluttuaraa.
Assiliisoq Christian Sølbeck nuummi inuit pisiniarfinni niuertut pillugit aviismi Dagbladet Børsenimi suliaqarnermini nuummi kalaaliaqqami assiliisaqattaarnissaq soqutigilersimavaa.
- Kalaaliaqqami inuit ataatsimoortarnerat, assut nuannaraara sivisujaamik taakungarsimanngikkaangama apersortarpaannga sumiikkavit sooruna maangassaartutit?, assiliisoq Christian Sølbeck kalaaliaqqamiittarsimanerminik taama oqaluttuarpoq.
Assiliisup piniartut assiliinnarsimanngilai.
- Piniartut ilagalugit aalisariaqatigisarpakka puisinniaqatigalugillu, assiliisoq oqarpoq.
Taanna kalaaliaqqamut suli soqutiginnippoq. Assiliisarnerminilu taanna aallaavigalugu maanna allanik sammisaqarpoq.
- Massakkut suliarisara kalaaliaqqami aallaaveqarpoq, tamatumuuna assiliivilisarlunga piniarissanut ilaasassaanga. Atuaganngorsinnaanissaa takorloorpara, Christian Sølbeck oqarpoq.
