Assi: Youtube screendump

Namminersorneq ukiuni qulini Christian Søgaard Trio pilluaqqusillutik saqisaamik saqqummersitsisut

Selvstyrepolka Nipilersoqatigiit Christian Søgaard Trio namminersornerup ukiunik qulinngortorsiorneranut atatillugu “Namminersorlutik Oqartussat saqisaavat” saqqummersippaat.

Christian Søgaard kaluttuulioriaasitoq malillugu saqisaaliortuuvoq.

Christian Søgaardip kalattuunik nipilersorneq ilisimalluarpaa. 1976-imimi 18-inik ukioqarluni nunatsinnukarpoq ukiuni marlunni “illumi kiffaajartorluni”.

Sønderborgimit nunatsinnukannginnermini nutsugiartaarpoq, taannalu Nuummi nipilersortartut akuuffigilernissaannut atorluarpaa. Ilinniartitsisuisa ilaat tassaavoq nutsugiartartoq ilisarisimaneqarluartoq Ado Lynge.

Kingorna arlaleriaqaluni nunatsinnut nipilersoriartarpoq. Nipilersornermik suliniutit arlallit 80-ikkunni peqataaffigai – ilaatigut Juaaka, Aasivik-Band aamma Tuukkaq teater. Nipilersortartorpassuit allat aamma nipilersoqatigisarpai, soorlu assersuutigalugu Rasmus Lyberth.

Namminersorlutik Oqartussat saqisaavannut videuliami, Svendborgip umiarsualiviani immiunneqartumi, Køstrupimi Svendborgimilu katersortarfinni kiisalu aamma Nuummi Katuami 2014-imi aasakkut nipilersornerminnit immiussat ilannguppaat.

Nipilersoqatigiit namminersornerup ukiunik qulinngortorsiutiginerani pilluaqqusipput kalattuunillu nipilersoraangamik nuannaarnermik misigisartakkaminnut qujassuteqarlutik.

Namminersorlutik Oqartussat saqisaavat videumi ataaniittumi tusarnaarneqarsinnaavoq.

 

Selvstyrepolka

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat