Assi: KNR/Arkiv

Christian Berthelsen Kalaallit Atuakkiortut aqagu nersornaasissavaat

Atuarfeqarnermi pisortaasimasoq soraarneq Christian Berthelsen Peqatigiiffiup Kalaallit Atuakkiortut (KA) nersornaaserniarlugu aalajangiuppaa, aqagulu Københavnimi, Illu Atlantikumi pingasunngornermi februaarip 18-ianni nersornaaserneqassaaq.

Christian Berthelsen ukiorpassuarni Danmarkimi najugaqartoq.

Christiaannguaq arlalinnik nammineq atuakkiaqarpoq. Eqqaamasalersaarutit atuakkiarisami saniatigut aamma ilinniusianik kiisalu nutsikkanik ikittuunngitsunik saqqummiisarsimavoq atuaganngortillugit allatulluunniit allaatigalugit. Aamma ordbogiliornerni suleqataasarsimavoq. Tamakkua saniatigut aamma kalaallit atuakkiaannik 1994 tikillugu saqqummertarsimasunik nalunaarsuilluni atuaganngortillugit allaatiginnittarpoq.

Christian Berthelsen nunatsinni qaammarsaanikkut meeqqallu atuarfiata piorsariartuaarnerani, aammalumi ilinniartitsisutut, pingaarutilinnik suliaqarsimasoq qaammasaanikkut siunnersortitut, atuarfinnut siunnersortitut kiisalu nunarput tamakkerlugu atuarfeqarnermut qullersatut atorfeqarsimavoq. Kalaallit Nunaanni Naqiterisitsisarfik, kingorna Atuakkiorfimmik taaneqalersoq, 1956-imi pilersinneqarmat aallartisarlugu pisortaaffigaa.

Tamakkuninnga sulinerminut tunngasut ilaatigut eqqartorpai atuakkiamini kingullermi, Atuakkiorfiup 2008-mi saqqummersitaani taaguutilimmi: Taamani kingornalu.

Kalaallit Atuakkiortut nersornaasiunniagaat peqatigiiffiup siulittaasuata tullianit, Aqqaluk Lyngemit, tunniunneqartussaq 20.000 kr.-nik aningaasartaqarpoq.

Christian Berthelsen, Christiaannguaq oktobarip ulluisa arfineq-aappaanni 1916-imi Nuummi inunngortuusoq ullumikkut 92-inik ukioqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat