Taasititsineq Chris Reap erinniaa Juullikkunni nuannarineqarnerpaavoq
Erinnat juullikkunnut tunngasut. Nuannarivagut, nuannarinagilluunnniit, erinnalluunniit decembarimi tusaakatannikuullugit qatsussinnaasarpavut, nipilersukkalli ilaat allanit nuannarineqarnerupput.
Nipilersugaq suna Juullikkunni tusarnaassallugu nuannerineqarnerpaanersoq dr.dk-p
paasiniarsimavaa, nittartakkaminilu taasititsisimalluni.
Ajugaasut Whamikkuunngillat, imaluunniit All I want for Christmas. Ajugaasoq tassaavoq Chris Reap erinniaa Driving home for Christmas. Taasisut katillutik 29.000-it missaanniissimapput, taakkunanngalu 21 procentii Driving home for Christmas taasimavaat.
Chris Reap erinaq taanna angerlamut biilertilluni taalliaralugulu erinniarisimavaa, ilaquttaminut Juullisioriartortilluni biilini taalliaralugu.
Whamikkut 18 procentinit taaguunneqarluni normu 2-tut inissipput, Mariah Careylu 10 procentinit taaguunneqarluni normu 3-ulluni.
Julie Berthelsenip Martin Brygmann peqatigalugu erinarsugaa Jesus og Josefine 604-nit taaguunneqarluni normu 13-iuvoq.
Erinnamik Juullimut tunngasumik nuannarisaqaruit nittartakkatsinni KNR.gl-imi tamanna pillugu allaaserisaqarsinnaavutit.