Chimpansit arnavissat aapakaaqatiminnik piniartarput
Amerikamiut ilisimatusartut paasisimavaat aapakaat chimpansit Afrikap kitaani Senegalimi aapakaat ilaannik øreabe-nik taaneqartartunik naaligarlutik piniartartut.
Ilisimatusartut taamaalillutik uppernarsivaat chimpansit, inunnut qaninnerpaatut pissusillit, qaqqortarissat qaqqorniaraangamikkik, aamma uniaalorujussuit kiattuniittut inaanniit pisariniaraangamikkik, sakkulersuinnartanngitsut. Tassami chimpansit, aapakaat ilaat øreabet, neriniarlugit, qisummik naaligarlugit piniartarpaat.
Kisianni chimpansit arnavissat kisimik taama piniartarput. Ilisimatusartut naapertorlugit Senegalip kujataata kangiani chimpansit angutivissat naaligarlutik piniarneq ajorput.
Ilisimatusartut marluk chimpansi arnaviaq isiginnaarsimavaat, aapakaat ilaat øreabe qaarusummi inimini sinileruttortoq naakkiarlugu toqussimagaa. Øreabe inaaniit nusoriarlugu chimpansip nerisimavaa.
Ilisimatuut isumaqarput, chimpansit Senegalimiittut uumasinnaajumallutik periaatsinik nutaanik nassaarniartariaqarsimasut, nunami sungiusimanngisaminni uumagamik.
