Timmsartoq assartuut Hercules C-130 Chilip kujataanit Punta Arenasimit ataasinngornermi ualikkut aallaarpoq.Assi: Airwolfhound/Flickr

Chilimiut timmisartuat Sikuiuitsumi Kujallermi unnuaq nakkarsimassangatinneqartoq

Chilemiut sakkutuuisa timmisartortartuisa sakkutuut timmisartuat inunnik 38-nik issimasulik marlunngornerup unnuaani attavigisinnaajunnaarpaat.

Chilimi sakkutuut timmisartortartut taama tusagassiutinut nalunaaruteqartut, dpa allaaserisaqarpoq.

Timmsartoq assartuut Hercules C-130 Chilip kujataanit Punta Arenasimit ataasinngornermi ualikkut aallaarpoq.

Tamatuma kingunitsianngua timmisartoq Sikuiuitsoq Kujallermukaartilluni attaveeruppoq. Ilaasullu maqaasineqartutut nalunaarutigineqarlutik.

Akunnerit arfineq marluk sinnerlugit radiokkut attaveqarunnaartoqareersorlu timmsisartup nakkarsimanissaa Chilimi timmisartortartut nalilerpaat.

Timmisartup aseqqukuinik suli nassaartoqarsimanngilaq ilaasullu qanoq innersut aamma ilisimaneqarani.

Timmisartumi inuttat 17-iupput ilaasullu 21-ullutik. Taakkua Sikuiutsimi Kujallermi aserfallatsaaliuinermik suliaqariartorlutik suliartoraluarput. Annaassiniarnerlu aallartinneqareersimasoq, nutaarsiassaqartitsivik Reuters allaaserisaqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat