Chilemi ullumi nuannannersuaqarpoq
Annaassiniarnermi præsidenti nuannarineqartupilussuanngorpoq.
- Atacamap inoqajuittortaani ullaaq manna aalassassimaarfiuvoq, præsidentillu annaassiniarneq pisortatigoortumik aallartimmagu pissanngatigineqaqaaq.
Annaassiniarneq pillugu præsidenti qutsavissaavoq. Aggustip tallimaani piiaavik nakkaattoormat præsidentip siunnersortaasa præsidenti neriuuteqarpallaaqqunngilaat, tassami nakkaattoorfimmi annattoqarsimanissaanik ilimanaateqartoqarpianngimmat.
Præsidentilli siunnersortini tusaanianngilai oqarlunilu piiaavimmiittut ajunaarsimannginnissaat qularinagu, taamaalillunilu annaassiniarneq aallartillugu.
Ullut 17-it qaangiummata nakkaattoorfimmit attaveqartoqarpoq, tassami piiaavimmiittut 33-t tamarmik ajunngitsut paasineqarpoq.
Annaassiniarneq iluatsilluaqqullugu annaassiniarnermut pilersaarutit assigiinngitsut pingasut ataatsikkut præsidentip aallartippai.
Annaassiniarnerlu iluatsittutut isikkoqalermat præsidentip nuannarineqarnerulerneranik tamanna kinguneqarpoq.
