Chilemi ujajaanerit imaaginnavipput
Conception illoqarfinni eqqugaanerpaanut ilaavoq. Arfininngormat nunap sakkortuumik sajunnerata kinguneranik illoqarfiup ilarujussua inoqanngilaq, innuttaasullu neriuutaarulluinnarsimasut nerisassaqarniarlutik pisariaqartitaminnillu allanik pissarsiniarlutik pisiniarfinnit tillinniartariaqalernertik oqaatigaat.
Nunap sajunneranit aniguisut ilaat isumaqannguatsiarput, inuuniassagunik fjernsynit angisuut saattukujuut, qarasaasiat atortorissaarutillu allat pisariaqartillugit.
Maanna sakkutuut politiinik ikiuiartortinneqarput, ippassarlu unnukkumiit illoqarfimmi Conceptionimi nunallu immikkoortuani Maulemi innuttaasut unnukkut aneqqusaajunnaarput.
Nunap sajunneranit ajunaartut maannamut 711-usut oqaatigineqarpoq. Nunap sajunneranut atatillugu Manerassuarmi tassaarsuaqarnissaanik aarlerisaarisoqarpoq. Taamaattorli malissuit qeqertani nunanilu qaninnerusuni annerusumik ajoqusiisimanngitsut nalunaarutigineqarpoq.
