Chilemi inuit 33-t qaarusummi suli mattussaaqqapput

Ullut 17-it matuma siornatigut qaartoortoqarneratigut nunap iluani 700 meterinik ititigisumi qaarusummi sulisut mattussaapput. Qaarusuk suliffigisaat kilometerinik arfineq-marlunnik takissusilimmi inissisimavoq.

Qaarusummi sulisut qaartoortoqarpat annanniarfigisinnaasamut pisimasut Chilemi præsidenti Sebastian Piñera oqarpoq.

Qillerut qaarusummi sulisut inissisimaffigisaannut ninginneqarmat, nutaamik qalipanneqarsimasoq takuneqarsinnaasimavoq.

Qaarusummi sulisut nunap iluaniittut annaanniarlugit nutaamik sulluliortoqarpat, tamanna ullunik 120-nik sivisussuseqassasoq, annaassiniartut oqarsimapput.

Qaarusummi sulisut nunap iluaniittut ikiorniarlugit, slangit plastikkinit sanaajusut nunap iluanut qilleriviusoq aqqutigalugu annaassiniartunit singinniarneqarput, sulisut qaarusummi mattussaaqqasut nerisassaannik, imigassaannik attaveqaatinillu atugassaannik singitsiviginiarlugit,

Nunap iluani qilleriviusumi imissamaateqarpoq, silaannarissarfiusinnaasunik ammasoqarluni, taakkulu pissutaallunik qaarusummi sulisut maannamut suli ajunngitsut, nutaarsiassaqartitsivimmi Ritzauimi allaaserineqarpoq.