Santiagop ilaani piitsut najuqarfigissaanni El Bosquemi ilaqariit amerlasuut kaattut, Santiagomi oqartussaasut nalunaaruteqarlutik allapput.Assi: Ivan Alvarado/Reuters/Ritzau Scanpix

Chilemi innuttaasut politiillu nerisassaalatsineq pissutigalugu aporaattut

Chilemi illoqarfiit pingaarnersaata ilaani piitsut najugaqarfigisaanni innuttaasut coronavirusip ajornartoortitsineranit eqqugaaqisut nerisassaalatsinertik pissutigalugu akerliussutsimik takutitsipput.

Chilemi illoqarfiit pingaarnersaata Santiagop avatinnguani coronaviruseqartoqarneratigut nerisassanik amigaateqarneq pissutigalugu innuttaasut akerliussutsimik ataasinngornermi takutitsimmata politiillu aporaapput.

Akerliussutsimik takutitsisut qammasissianik milloorput orpillu katersorneqarneqarsimasut ikuallallugit. Politiit akillutik gassimik qulliliornartumik imermillu tissaluttaatilinnik seqqartaapput.

Santiagop ilaani piitsut najuqarfigissaanni El Bosquemi ilaqariit amerlasuut kaattut, Santiagomi oqartussaasut nalunaaruteqarlutik allapput.

Nerisassat piumaneqartorujussuusut

Illoqarfiup ilaa taanna apriilip qeqqata missaanili matoqqatinneqarpoq.

- Sapaatit akunneri kingulliit nerisassat piumaneqartorujussuupput. Arlarinnik immikkut ittunik ajornartorsiuteqarpugut, kaattoqarpoq suliffissanillu amigaateqartoqarlui, El-Bosquemi borgmesteri Sadi Melo ataasinngornermi taama oqarpoq.

Kurvenik 2,5 milliuuninik nerisassanik eqqiaanermut atortunik imalinnik innutaasunut El Bosqueimi najuqartunut Chilep naalakkersuisuisa agguaanniaraat, Chilemi præsidenti Sebastián Piñera TV-ikkut toqqaannartumik aallakaatinneqartumik oqalugiarnermini oqarpoq. Nerisassat eqqiaanermullu atortutut sapaatit akunneranni uani tullianiluunnit agguaanneqarumaarput.

Isummersuutit