Merkel tysklandimi forbundskansleritut ukiormanna tunuassaaq, kisianni CDU-mi siulittaasutut 2018-mili tunuarpoq.Assi: Flickr.com / European People's Party

CDU-mi siulittaasunngortoq Tysklandimi kanslerinngorsinnaavoq

CDU-mi siulittaasunngorniulluni taasisoqarmat Nordrhein-Westfalenimi ministeripræsidenti Armin Laschef partiimi CDU-mi siulittaasunngorpo.

Tysklandimi naalakkersuisuutitaqartut partiiat CDU siulittaasortaarput.

Tassaavoq NOrdrhein-Westfalenimi naalakkersuisut siulittaasuat 59-nik ukiulik Armin Laschet, Siulittaasumik qinersineq qarasaasiat atorlugit ingerlanneqarpoq.

Qinersinerup immikkoortuata aapoaani Armin Laschet qinigaavoq, CDU gruppeani siulitaasuusimasumut Friederick Merzomit unammillerneqarluni.

Qarasaasiat atorlugit partiimi ataatsimeersuartoqarpoq forbundskanslerip Angela Merkeip paarlatsissaanik qinersinissamut alloriarnerulluni siulleq.

Laschetip CDU mi siulittaasutut taarserpaa, illersornissamut ministeri Annegret Kramp-Karrenbauer,maannalu tassa Laschet CDU-mit kansleritut qinigassanngortinnissaminut piarerfissaqarlualissaaq.

Laschet Tysklandimi naalagaaffinni innuttaqarnerapaami ministerpræsidentiuvoq, ukioq 50-ingajaat socialdemokraatit kisermaassillutik naalakkersuisoqarfigisimaat, 2017-mi Laschet CDU-mi qinigaanermigut ajugaaffigigamikkit.

Septemberimi qinersisoqassaq

Tysklandimi partiit marluk CDU aamma CSU ataatsimoorlutik kanslerimut qinigassanngortitassartik marsimi toqqaanissaat naatsorsuutigineqarpoq.

Merkel kansleritut ukiormanna tunuassaaq, partiillu siulittaasuattut 2018-mili tunuarpoq.

Maanna illersornissamut ministeriusoq Annegret Kramp-Karrenbauer,

CDU-mi siulittasunngornissaanut Angela Merkelip aqqutsissiuuupaa kansleritut tullersortissamisut piukkullugu.

Tamannali iluatsippallaanngilaq.

Kramp- Karrenbaruerimmi siorna febuarim nalunaarutigaa, ukioq 2021-mi partiimi siulittaasutut tunuarniarluni kanslerimullu qinigassanngortinniarani.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat