CD-Rom atorlugu meeqqanut pinnguaat kalaallisoortoq siullerpaaq

Nunarsuarmi siullerpaamik kalaallisut oqaasertalimmik qarasaasiaq atorlugu meeqqanut pinnguaammik Atuakkiorfik aqqutigalugu ullumikkut saqqummersitsisoqarpoq.

CD-Rom-mik saqqummersitseqataasoq Martin Chemnitz ima oqarpoq:

- Tassa naatsorsuutaavoq meeqqat sisamaniit arfineq-marlunnut ukiullit tungaannut pinnguaatip atorneqarsinnaanera. Oqaatsit assigiinngitsut sisamat atorneqarput, kalaallit, danskit, svenskit, norskillu oqaasii toqqarneqarsinnaapput, taamaasillunilu meeqqat oqaatsinik ilinniaatigalutik pinnguarsinnaallutik, Martin Chemnitz oqarpoq.

CD-Rom-i atorlugu pinnguaat kalaallit kulturianik imaqarpoq, meeqqallu pinnguaammi malinnaaffigineqartut nunaqarfimmiuullutik. Uumasut, inuup pisatai ulluinnarnilu atukkat pillugit oqaatsit pinnguaammi aamma sammineqarsinnaapput.

- Nunani avannarlerni najugallit, danskit, norskit, svenskillu, pinnguaat taanna aqqutigalugu kalaallit meerartaasa silarsuaat, kulturiat, oqaasiilu takusinnaavaat ilikkagaqarfigalugulu.

Martin Chemnitz oqarpoq. CD-rom-mik meeqqanut pinnguaatip sananeqarnerani, perorsaasut siunnersortigineqartut Martin Chemnitz oqarpoq.