Spaniami eqqartuussinerit pingaarnersaat: Cataloniamiut pikitsitsiniarsimasutut ukiuni 25-ni parnaarussaasinnaasut
'Kisermaassilluni naalakkersuisup Fransisco Francop 1975-imi toquneratigut tamat oqartussaaqataanerisa napparteqqinnerata kingorna Spaniami eqqartuussinerit pingaarnersaraat.'
AAMMA ATUARUK Nunatta Cataloniallu inissisimanerat assigeequteqarpoq
Spaniami eqqartuussiviit qulersaanni eqqartuussisoq, Carlos Lesmes, politikerit avissaarniallu aqqaneq-marluk Spaniami eqqartuussiviit qullersaannut sassartinneqartussat pillugit taama oqarpoq.
Nutaarsiassaqartitsivik Reuters taama allaaserisaqarpoq.
Aqqaneq-marluusunit qulingiluat ukioq ataaseq sinnerlugu parnaarussaaqqareerput. Taakku Spaniap naalagaaffianut pikitsitsiniarsimasutut unnerluutigineqarput, ”nunap inatsisitigut aaqqissuussaanerata akornusersornissaanik” ”Cataloniallu Spaniap naalagaaffianit avissaartinnissaanik” ukiuni arlalinni sulissuteqarnertik pissutigalugu, unnerluussummi taama allassimasoqarpoq.
AAMMA ATUARUK Cataloniap namminersortuunera atuukkunnaarsinniaraat