Castrop bin Laden kilitsissiaanerarpaa

Angut nunarsuaq tamakkerlugu ujaarineqartoq, al-Qaedakkut ittuat, Osama bin Laden, USA-mi naalagaaffiup isertortumik paasiniaasartuini, CIA-mi, kilitsissiatut atorfeqartoq, Cubap præsidenterisimasaa, Fidel Castro isumaqarpoq.
aggustip 30-at 2010 06:37

Bin Ladenip kilitsissiatut suliinnarani, USA-mi præsidentiusimasumut George W. Bushimut, qanimut suleqateqarsimaneranik, Fidel Castrop oqarnera, Tuluit Nunaanni aviisimi, The Guardianimi allaaserineqarpoq.

- Buship annilaanganini qaangerusukkaangagu, innuttaasunullu oqalugiassagaangat, Bin Laden takkuttarpoq, amerikamiullu sioorasaarlugit, Fidel Castro oqarpoq.

Castrop oqaatigaa allagartat uppernarsaatit internetimi quppersakkami WikiLeaksimi saqqummersinneqarsimasut atuaqqissaareerlugit Bin Ladenip George W. Bushillu suleqatigiissimanerat paasisimallugu.

Aviisimi The Guardianimi aamma allaaserineqarpoq, qanorluunniit pisoqarsimagaluarpat amerikamiut qularinissaannut Castro pissutissaqarluartoq. Sikaarmi qaartartuligaq atorlugu USA-mi isertortumik paasiniaasartuisa Fidel Castro niaqueriaraluarpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq