Australian Openimi uninnera nalaatsornerinnaanngilaq. Australian Openimimi siullermeerluni ajugaavoq, 2018-imilu tassani kisimi grand-slam-titelinnalluni.Assi: Issei Kato/Reuters/Ritzau Scanpix

Caroline Wozniacki Australian Openertoqareerpat unittussanngortoq

Tennisertartoq Caroline Wozniacki januarimi Australian Openertoqareerpat unittussanngorpoq.

Caroline Wozniacki Instagraminimi taama nalunaaruteqarpoq.

- 15-inik ukioqarlungali akissarsiutigalugu tennissertalerpunga, piffissarlu taanna uannut assut nuannerpoq, Wozniacki allappoq.

Tennisertartup unammisartuunera unilernersoq ukiuni kingullerni isumaliutigineqartarput - pingaartumik naggussamigu gigteqarnerata paasineqarnerata kingunerisaanik.

Nappaataali uninnissaanut pissutaanngitsoq erseqqissaatigaa.

AAMMA ATUARUK Wozniacki Grand Slamimi pissartanngorniunnermi ajugaasoq

- Peqqissutsinnut atuumassuteqanngilaq, inuulluaqqunerunngilarlu, Wozniacki allappoq, inuulluaqqusinnginneruneraaninilu qanoq isumaqarnersoq itisilernagu.

Australian Openimi uninnera nalaatsornerinnaanngilaq. Australian Openimimi siullermeerluni ajugaavoq, 2018-imilu tassani kisimi grand-slam-titelinnalluni.

Danskeq tennisernermi tusaamasaq 2005-imi tennisernermik inuussuteqalerpoq, taassuma tennisertartuunini Danmarkimilu tennisertartuni iluatsitsinerpaanini 29-nik ukioqarluni unitsippaa.

Caroline Wosniacki tennissertartutut inuunini maanna qimattussanngorpaa tamatumanilu naggussamigut gigtimik nappaateqarnera sulerinernissaanut sunniuteqartoq aamma paasissutissiissutigalugu.

- Piffissanngormat tennisiunngitsumik allamik piffissamik atuiffigerusutassannik suliassaqartoq imminut oqarfigiuartarsimavunga. Inuunermi angorusutannik allanik peqartoq qaammatini kingullerni paasivara, Caroline Wozniacki oqarpoq.

- Davidip (Lee aaqq.) katinnera nunarsuarmilu angalalluta naggussakkut gigteqarnermut qaammarsaaqataamermi ikiuutiutigaluta (suliniutigisassaq) ilaqutariittut inuunermik aallartitsinissarput anguniakkat ilagaat. Kajuminnerit ingerlateqqissavakka.

Wozniaki Australian Openimi naggataamik unammeqattaarnera 2020-mi januaarip ulluisa 20-annit februaarip aappaannut ingerlanneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat