Carl Egedep Aningaasaateqarfia nersornaasiisoq
Piniartoq 54-inik ukiulik Kangaamiuneersoq Albricht Kreutzmann, aalisartorlu 18-inik ukiulik Niaqornaneersoq Erninnguaq Kruse nunaqarfimminni maligassiuimmata ippassaq januaarip arfernganni nersornaaserneqartussatut toqqarneqarput.
- Erninnguup, eqeersimaartuusup ataatani ukiut sisamat matuma siorna anorersuaqisoq angalaqatigisimanngikkaluaruniuk ajorluinnartumik pisoqarsimassagaluarpoq. Anorersualeruttorfiani aalisariut 30 fodinik angitigisoq aquttarsimavaa, angutaata aalisariut kinngoqqunagu imaarsaraa,Niaqornani KNAPP Erninnguaq Kruse pillugu taama allappoq.
- Angallammik Inungasumik taaguutilimmik piginnittoq, Albricht Kreutzmann, ajoraluaqisumik tassanngaannartumik ukiut marluk matuma siorna ajoquserujussuarpoq, ullumikkut aalisarsinnaajunnaarneranik piniarsinnaajunnaarneranillu kinguneqartumik. Albricht Kreutzmannip Inungasoq ataataminit kingornussimavaa. Inungasup nunaqarfipput kommunilumi, Maniitsoq, ukiut 50-it sinnerlugit arferup neqaanik pissaqartissimavai, KNAPK'p Kangaamiuni immikkoortua Albricht Kreutzmann pillugu taama allappoq.
Nersornaaserneqartut tamarmik immikkut 5.000 koruuninik aningaasartalimmik nersornaaserneqarput.
