Carl Christian Olsen: Inuktitut oqaasillit aningaasaliiffigineqartannginnerat pakatsinarpoq
Canadami Inuit oqaasiisa franskit oqaasiinut sanilliullugit soqutaannginnerusutut isigineqarneri pakatsinartuusoq, oqaasileriffimmeersoq Carl Christian Olsen isumaqarpoq.
- Franskisut oqaatsit Canadami sumiiffiit ilaanni atorneqarneri pissutigalugit immikkut aningaasaliisoqartarpoq, tamannalu Canadami inuktitut oqaasilinnut atuutsinneqannginnera pakatsisartuuvoq, Carl Christian Olsen Nunatsiaq Newsimut taama oqarpoq.
Kalaallit ukiorpassuarni namminneq oqaatsitik meeqqat atuarfiini ilinniartitsissutitut ingerlattaraat, Canadami meeqqat atuartut oqaatsiminnik atuarfimmini atuisut pillagaasarsimapput.
Kalaallit oqaatsiminnik atuillutik siuarsimasuunerat, allaat atuakkat Harry Potterimut tunngasut, kalaallit oqaasiinut nutsigaasut, Canadami inuktitut oqaasillit nersualaarpaat. Namminnerli oqaatsimik tammariartulernissaat Canadami ernumagaat.
Nunatsinni kalaallit oqaasiinik atuisut 92 procentiupput, marluinnik oqaasillit 62 procentit, taakkulu tassa danskisut kalaallisullu oqaaseqartuupput.
