Carl Bertel Lynge i Nissikut i 1985

Carl Bertel Lynge toquvoq

Radiup aallarnisarnerani peqataasut ilaat Carl Berthel Lynge 77-inik ukioqarluni qimaguppoq. Eqqaaniaanermi Aqqaluk Lynge KNR-imut allaaserisaqarpoq.

Kalaallit Nunaata Radioata aallarnisarneraniilli peqataasoq Carl Berthel Lynge sivikitsumik napparsimareerluni Aasianni februarip 17-ani toqukkut qimaguppoq.

Kalallit Nunaata Radiua aallarnisarneqalermat sulisussat inuusuttut ilinniarluarsimasut  akornnanni pissarsiarineqarput - halvtresikkunnilu pingaartumik seminariami soraarummeersimasut sulisussarsiarineqarmata Carl Berthel Lynge taakkununnga akuuvoq.

Seminariami atuareerluni Radiohusimi sulilerpoq Radioavisimilu 1962-imi sulilerluni.

Atorfinereernermi kinguninngua Danmarkip Radioani aallakaatitassiornermik sungiusariartoqqaarpoq  tassanilu erinarsoqattaartitsisartoq Knud Wisum attaveqarfigalugulu ilinniarfigaa ilaatigut kalaallit erinarsoqatigiit Mik-ikkut aallarnisarneranni peqataalluni.

Carl Berthel Lyngip nunat allamiut atuakkiai arlallit kalaallisuungortissimavai ilaatigullu radiumullu tusarnaagassiarisarlugit. Radiomi atorfiit arlariit aqqusaartarsimavai 1977-imilu  KNR-ip immikoortortaa Avannaata Radioa, Aasianni aallartippaa kingorna Ilulissanut nuutsinneqarpoq.

 Radiomi atorfeqarnermigut, immikkoortortami pisortatut, aallakaatitassiortutut erinarsoqatigiinnik aqutsissunermigut nipilersukkanillu tusarnaartitsinermi siuttuunermigut radiup kulturikkut sullivittut pingaartutut Nunatsinni inissisimanera sunniuteqarfigilluarsimavaa. Soraarninngornissi tikillugu radiomi sulivoq radioavisi naggataamik suliffigalugu.

Eqqaaniaanermi Aqqaluk Lynge KNR-imut taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat