Cancellara Team Saxo Bankimut ilaajunnaassaaq
Cancellara-mut nutaamik isumaqatigiissuteqarsimalluni Bjarne Riisip oqaatigaa, taamaalilluni Schweizimiu nuannarineqaqisoq taanna 2011-p naaneranut isumaqatigiissuteqaraluarluni, ukiormanna Team Saxo Bankimut ilaajunnaassaaq.
Cancellarap ilaajunnaarnera Bjarne Riisip ajuusaarutigaa.
- Ilaajunnaarnera torernerussasoq neriuutigigaluarakku. Tassami holdeqatiminut aningaasaliisutsinnullu ataqqinninnerunissaa kissaatigigaluarakku, Bjarne Riis oqarpoq.
Schweizimiu taanna Bjarne Riisip sikkilertartuinut 2006-imili ilaalerpoq, angusaqarluartaqalunilu. Ilaatigut Tour de Francemi ataasiakkaarluni aallartittarluni unamminerni pingasoriarluni Nunarsuatsinni mesterinngorpoq, immikkoortukkaani ajugaasarluni Spaniamilu sukkaniunnerni ajugaasarluni.
- Cancellaralu ukiuni arlalinni suleqatigiilluaqaagut, maannali tamaanga killeqarpoq. Suleqatigiikkunnaarutta pitsaanerussasoq isumaqatigiissutigaarput. Maannalu tamatta immikkut allanik anguniagaqalerpugut, Bjarne Riis naggasiivoq.