Cancellara Schlekilu aqqanileriarlutik sungaartunnapput
Qaqqani immikkoortukkuutaartuni, tassa qasuerserfiit akorngisigoorluni, sisamariarluni ajugaaneq, sukkanerpaajuaannartoq, Fabian Cancellara aamma klassekaptajnimik taaneqartartoq, Andy Schleck, katillutik ulluni aqqanilinni sungaartumik tujuuluaraqarput, Andy Scheckilu katinneranni ajugaasup aamma tulliulluni.
Team Saxo Bankip cykilernersuarmi Tour de France-imi, ippassaq naammassisumi, angusaat taama tassa isikkoqarput, Team Saxo Bankimillu piginnittup angusat naammagisimaaqai.
- Team Saxo Bank ukioq-manna Tour de France-imi pitsaanerpaavoq. Aqqusaagarpassuaqarpugut. Tour pileripparput. Tupinnaannartumik cykelerpugut, aamma ukioq-manna pissanganartorsioqaagut, Bjarne Riis oqarpoq.
Taanna isumaqarpoq Alberto Contadorip ajugaanera naleqquttuusoq. Andy Schleck Alberto Contadorip sekundinik 39-nik tusaamasaaleqisunik qaangerpaa.
- Annikitsortai ilanngussussagutsigik sutigut arlalitsigut iluatsitsisimaqaagut, Alberto Contadorillu ujaqqani nunniuutini assakaasuminik qaartoornini piffissamik ilaatigut annaasaqarfigaa, Bjarne Riis oqarpoq.
