Canadap nunap inuiinik tapersersuiunnaarnera uggornarpoq

Allattoq Jokum Nielsen
juunip 23-at 2006 08:06

Inuit Issittormiut Kattuffiata Kalaallit Nunaanni præsidentiata Aqqaluk Lyngep uggoraa Canadap naalakkersuisuisa nutaat Canadap nunat inoqqaavinik illersuisarsimanera allanngortimmagu, taamaalillutillu nunat inoqqaavisa pisinnaatitaaffiinik aalajangersarneqarnissaannik akerliuniarneq USA-mit siuttuuffigineqartoq tapersersulerlugu.

Aqqaluk Lynge sapaatip akunnerata tulliani Genevemi nunarsuarmi inuit pisinnaatitaaffii pillugit Naalagaaffiit Peqatigiit siunnersuisoqatigiiffianni ataatsimeeqataassaaq nunat inoqqaavisa inuttut pisinnaatitaaffii pillugit aalajangersaanissap siunissaa pillugulu.

Aqqaluk Lynge Naalagaaffiit Peqatigiit nunat inoqqaavisa isummersorfeqatigiivisa ulluinnarni aqutsisuinut ilaasortaavoq.