Canadap ministeriunera Trudeau nulianilu coronavirusimik tunillaneqarsimasoq ulluni 14-ini tulliuttuni angerlarsimaannarniarput.Assi: Carlos Osorio/Reuters/Ritzau Scanpix

Canadap ministeriunera angerlarsimaannarniartoq: Nulia tunillanneqarsimasoq

Canadap ministeriunerata Justin Trudeaup nulia Tuluit Nunaanneereerluni coronavirusimik tunillanneqarsimasoq paasineqarpoq.

Canadap ministeriunerata Justin Trudeaup nulia Sophie Gregoire-Trudeau coronavirusimik tunillanneqarsimasoq paasineqarpoq.

Ministeriuneq tusagassiuutinut ippassaq unnukkut sisamanngornermi taama nalunaaruteqarpoq. Nutaarsiassaqartitsivik Reuters taama allaaserisaqarpoq.

Ministeriuneq 48-nik ukiulik tunillatsissimanermik malunnaateqanngilaq.

Taamaattoq nulianilu ulluni 14-ini tulliuttuni angerlarsimaannarniartut, Trudeap oqaaseqartitaata Twitterikkut allaaseraa.

Trudeau oqarasuaatitigut ataatsimeeqataasassasoq

Sophie Gregoire-Trudeau qanittukkut Tuluit Nunaanneereerlunili nualluuteqarnermik malunnaateqarsimavoq.

Ministeriuneq angerlarsimaffimminit piffissami tulliuttumi sulissaaq, paasissutissiinernut, oqarasuaatitigut attavigineqarsinnaassalluni, attaveqaatillu aqqutigalugit ataatsimiinnernut peqataasassalluni.

Canadami nunap immikkoortuisa siuttuinik ataatsimeeqateqarnissani Trudeap aamma taamaatiinnarpai. Coronavirusilli Canadami siaruatsaaliornissaanut suliniutit pillugit nunap immikkoortuisa siuttui oqarasuaatitigut oqaloqatiginiarpai.

Canadami nunap immikkoortui quliupput, taakkunanngalu arfineq-marlunni coronavirusimik nualluuteqartumik siumuisoqarpoq, katillugillu 150-it tunillanneqarsimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat