Canadap issittuani sakkutuut sungiusartut

Sakkutuut qeqertarpassuit minnerit angusinnaajumallugit sisamanngorlutik agguataarneqassapput, taakkulu silaannakkut qamuteralannilluunniit tikinneqassallutik. Qeqertaq avannarlerpaaq tikinniarneqartoq tassaalluni Ellef Ringnes-ip Qeqertaa.

Sungiusarnermi peqataasut katillutik 120-ussapput, tassa angutit arnallu. Taakkua pingajorarterutaat Rangers-inik taaneqartarput, tassaasut naggueqatigiit Inuit tamaani najugallit. Naggueqatigiinnit Inunneersut nunaqarfinnit tamaneersuupput. Canadallu illersornissaanut pingaaruteqaqalutik, tassami taakkua sakkutuuniit - Canadap kujataaneersugajuttunit - issittumi pissutsinik ilisimasaqarnerusaramik.

Sungiusarnermi Nunalivummi siunertarineqartut marluupput. Canadami naalakkersuisut Canadap issittortaani oqartussaanerat naqissuserniartussaavaat - tamatumalu saniatigut annaassiniarnissamut piareersimanerup nukittorsarneqarnissaa siunertarineqarluni.

Sungiusarneq maanna aallartinneqareerpoq, tassami upernarnerani ukiut tanmaasa sapiiserumatuut nunarsuarmi tamarmeersut, pisummik, sisoraaserlutik allatulluunniit Qalasersuarmut anngunniarsarisarmata.

- Norgemiut sakkutuui ukiormanna alaatsinaatsutut aamma najuupput, taamaalilluta immitsinnut ilinniarteqatigiissinnaaniassagatta, sakkutuut qullersaasa ilaat MacNeil, sungiusarnermi aqutsisuusoq, nutaarsiassaqartitsivimmut ABC News-imut oqarpoq.

Taama sungiusartarneq 2007-imili ingerlanneqartalerpoq, sapaatillu akunnerini marlunni sungiusartoqassalluni.