Canadap issittortaani umiarsuarmik angalaartalerneq

Canadami Inuit pigisaannik umiarsuarmik Canadap issittortaani angalaarit. Taamatut nipilimmik umiarsuaatillit Cruise North takornarianut neqerooruteqarput.

15.000 koruuninik akiliillutit sapaatip-akunnera ataaseq Canadap issittortaani angalaarsinnaavutit. Aningaasarpassuit taakku atorlugit tikitassat nalinginnaanngitsut anguneqarsinnaapput.

Nunap inuiisa umiarsuarmi ilaallutik kulturertik takutippaat, saniatigullu biologit, timmiarsiuut oqaluttuarisaanermullu ilisimatuut angalaqataasarput assigiinngitsunik oqalugiaateqartarlutik.

Umiarsuaq 66-inik ilaasoqarsinnaavoq. Takornariat Montrealiminngaanniit Nunavimmi Kuujjuarmut timmisartortinneqariarlutik umiarsuarmut ikisarput.

Kuujjuarminngaanniit umiarsuaq qeqertamut Akpattuuliarluni ingerlasarpoq. Akpattuumi appat 500.000-t piaqqiortarput.

Angalaarnerup nalaani nannut, arferit, aarrit, umimmaat puiserpassuillu takornarianit takuneqarsinnaassapput.

Angalaarnermi nunaqarfiit arlallit aamma tikinneqartarput. Umiarsuit takornarialinnik ilaasullit allat nunaqarfinnut tamakkununnga tikinneq ajorput.

Taamatut angalaartitsisarnermi eqqarsaataavoq takornariat nunap inuuinit tikilluaqqusaatut misigisimanissaat.