New Foundlandimi St.John's-imi sapaatip-akunnerata naanerani apingaatsiarpoq, sakkutuullu 300-t aputaajaajartortinneqarlutik.Assi: J. David Mitchell/Reuters/Ritzau Scanpix

Canadap issittortaa nunarsuarmi maanna issinnerpaasoq

Kalaallit Nunaanni ulluni kingullerni silapiluppoq, Canadallu issittortaani aamma silarloqattaarluni. Assersuutigalugu Newfoundlandimi silarlunnera pissutaalluni sukannersumik aqutsisoqarnissaa nalunaarutigineqarpoq.

Nunarsuarmi sumiiffiit ulluni makkunani issinnerpaat 15-it akornanni qulit Canadap issittortaani nassaassaasut, Alaskamilu ataaseq, CBC Newsip allaaseraa.

Yukon Territorymi nunaqarfimmi Carmacksimi sapaatip-akunnerata siuliani 49,8 gradinik issippoq, Nunavuullu avannaarsuani Qaasuitsumi 46-nik issilluni.

Nunaqarfinni arlalinni anoraa ilanngullugu 55-inik 60-illuunniit akornanni issinneratut misigisimanarpoq.

Siberiami Jakutskimi issinnerujussua eqqaassanngikkaanni, Canadap issittortaani Alaskamilu nunarsuarmi sumiiffiit akornanni issinnerpaasoq, nittartakkami WXNow-imi allaaserineqarpoq.

Canadap Atlantikup tungaanut sineriammi Newfoundlandimi sukannersumik aqutsisoqarnissaanut peqqussut suli atuuppoq. Tamaani sapaatip-akunnerata naanerani 1 meterimik ilaatigut apivoq, anorlingaatsiarlunilu perlulluni.

Sakkutuut 300-t aputaajaanermut ikiuuttussat, Canadap naalakkersuisuinit Newfoundlandiliartinneqarput, tamaani innuttaasut napparsimmaviliarsinnaanissaat, pisiniarfinnukarsinnaanissaallu qulakkeerniarneqarluni.

Silassamillu ilimasaarutit qimerlualaaraanni pissutsit ulluni tulliuttuni pitsassiartorpallaarunanngillat. Canadammi issittortaani Canadamilu sumiiffinni allani anorlingaatsiarlunilu issingaatsiarnissaa ilimasaarutigineqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat