Canadap inoqqaavisa iliverpassuit nassaatik quarsaarutigigaat
Canadap kitaatungaani nunap inoqqaavisa eqimattat ilerri 100-t tungaannut nassaarineqarput
Oqartussat nutaarsiassaqartitsivimmut AFP-mut marlunngornermi paasissutissiipput.
2021-miilli Canadami ineqarfiutigalutik atuarfiit ilaasa eqqaanni ilerrit 1300 sinnerlugit maannamut nassaarineqarput. Taamani nunap inoqqaavinut atuarfigineqarsimapput. Atuarfiillu taakku pinngitsooratik inuaqatiignnut akuulersitsiniarsimasutut Canadami isornartorsiorneqagaatsiarnikuupput.
Meeqqat 79-it naalungiarsunnillu 14-it iliviniinnissaat ilimagineqarput.
Canadami nunap inoqqaavisa meerartaaasa nunat killiit inooriaasiannut, Canadami maanna atorneqartumut naleqqussarneqarnissaat siunertaasimavoq.
Ataatsimiititaliarsuup misissuitinneqartup tamanna kulturikkut toqoraanertut 2015-imi taavaa.
Atuarfiit angerlarsimaffiutigisimasut taakkua 1831-miit 1996-ip tungaanut atuupput. Meeqqallu 150.000-nit ikinnerunngitsut ilaquttaminnit avissaartitaallutik atuarfinnut angerlarsimaffiutigisuliaanneqarput.
Pave Frans 2022-mi aasaagaa Canadaliarluni utoqqatseriartorpoq.
Ilagiit Katuullit oqaluffiata nunap inoqqaavisa meerartaasa atuartinneqarnerat isumagivaat.
