Canadap ilaani orpippassuit ikuallattuarsinnartut

Albertap avannarpasinnerusortaani orpippassuit ikuallattuarsinnarput.
Assi © : Jason Woodhead/Flickr
maajip 19-at 2016 07:28
Nutserisoq Simon Uldum -

Canadap uuliasiornermik suliffissuaqarnerata qiterisaqarfiani illoqarfiup Fort McMurrayip eqqaani orpippassuit sapaatit-akunneri marluk matuma siorna ikuallalerput.
 
Illoqarfimmi innuttaasut 90.000-it missaanniittut qimagussortinneqarput, illut 2500-it sinnerlugit ikuallapput ikuallanneralu nunaminertamut Qeqertarsuartut angitigisumut siaruaassimalluni. Canadap oqaluttuarisaanerani ikuallannerit annersaraat akisunersaralugulu.

Aamma atuaruk VIDEO Fort McMurrayp 90 procentia ajunngilaq

Ikuallannerup aqunneqalersinnaanissaa ullut marlussuit matuma siorna neriuutigineqaleraluarpoq, sakkortuumillu anorlilernera silallu kissatsipiloornera pissutigalugu ikuallannera sakkortuseriaqqippoq. Ikuallannerlu avannamut siaruaakkiartorpoq, uuliasiornermik suliffissuaqarnermi usserusiorfiumut, sulisullu 8000-it ulluni kingullerni marlunni aamma qimagussortinneqarput.

Qatserisartut 2000-it missaanniittut sulipput siallilernissaalu neriuutigalugu.

Aamma atuaruk Orpippassuarni ikuallannerujussuaq suli siaruaappoq